Ye Kaun Aata Hai Tanhaiyon Mein Jaam Liye - Makhdoom Mohiuddin

Ye Kaun Aata Hai Tanhaiyon Mein Jaam Liye
Dilon Mein Chaandni Raaton Ka Ehtemaam Liye

Hujoom-e-Bada-o-Gul Mein, Hujoom-e-Yaaran Mein
Kisi Nigah ne Jhuk Ker Mere Salam Liyee

Kisi Khayal Ki Khushboo Kisi Badan Ki Mahek
Dar-e-Qafas Pe Khadi Hai Saba Payaam Liye

Chatak Rahi Hai Kisi Yaad Ki Kali Dil Mein
Nazar Mein Raqs-E-Bahaaran Ki Subha Shaam Liye

Mahek Mahek Ke Jagati Rahi Naseem-E-Saher
Labon Pe Yaar-e-Masiha Nafas Ka Naam Liye

Bajaa Raha Thha Kahin Door Koi Shehnai
Utha Hoon Aankhon Mein Ik Khwaab-e-Na Tamaam Liye

Poet: Makhdoom Mohiuddin
Qawwal: Ustad Aziz Ahmed Khan Warsi